Schoaf zehle

Schoaf zehle

Schoaf zehle

Von Anita Trostel

 

En ahle Schäfa woor en na ganz einsame Gejend med säiner Schoaf unnerwejens. Wie e su off säiner Schebb offischdizt die Schäfapriefung am mache woor, koam en na digge Schdaubwolleg en naachelnäije Schboadwaache aniroasd. Der Fahrer woor en jonge Schdänz, noa em näijesde Schrei ikleed. E mooch su isamd en Endrugg, als wäre e bissje vill domm.

Lässisch drähd e de Audoschlessel em de Finger un fräschd denn Schäfa: „Wenn ich errate, wie viele Schafe Sie haben, bekomme ich dann eins?“ „Joa waremm ned,“ sähd der Schäfa ganz rohisch.

Der Schdänz helld aus em Audo seine Klappräschna, vabennd inn mem Handy, gähd en ed Indernäd, scannt die Gejend mem Saddeliddenawigationssysdem, gefd en Hoafe Formele en un mem wischdije Isischd mähnd e dann noa na Zeit: „Sie haben genau 1586 Schafe“. „Joa, dat schdemmd, soochen se sisch e Schoaf aus“, gefd der Schäfa ze Antwoord.

 

Der Rennfahrer helld sisch e Deer un lädt ed en säine Schboadwaache. Der Schäfa guggt imm zoo un sähd: „Wann isch roaden, wat dau fier en Beruf häs, kräijen isch dann mäin Schoaf widder?“ „Klar, warum nicht“, grenzd der jonge Mann. „Dau bes en Unnernehmesberoader“, sähd der Schäfer kotz un binnisch. Der Schdänz schdound Bauklätzja un fräschd :“Woher wissen Sie das? Das stimmt!“

„Dat es ganz einfach“, sähd de Schäfa, „eerschdens kimms de häi hin, obwohl disch käner iroofe häd, zweddens wells de e Schoaf als Bezahlung hann, fier äbbes wat isch suwiesu schonn wääs und dreddens häs de iwwerhoubt kään Ahnung vonn demm, wat isch machen, sons häds de ned mäine Hund fier e Schoaf ihahle un nau geff ma mäine Hund widder.“

Kommentare sind geschlossen.
nach oben